قصيده عن الفيس بوك

قصيده عالفيس بوك
_____________

يا فيس عندى فى سمـــاك احكايا !!!
او ريـــت فيك فالدنيا اســـرار خـفايا !!!
فيك ناس مريضه
وفيك ناس سبحانه العليم غليضه
وفيك نـاس نيتــم نقيـــــه بيضـاء
على طـــول ديما بالحنـــان ملايا
وفيك ناس ما تعرف مغيــر قريضه
ديمــا اتســابق للخطـــا جــــرايا
وفيك ناس سيتهــم اليوم فريضه
دايرين فالدنيــا اكبـــــــار ســوايا
وفيك ناس ديما للاسرار حفيظه
ماتغيب صــــــورتهم اليوم امعايا
فيك ناس رديه
وفيك ناس رفقتهــم معــاى زهيه
وفيك ناس طلعوا فالحياة نفسيه
بانت عليهـــم ساعــــه السهرايا
وفيك ناس ريحتهــــم معاى زكيه
معاهم جنيـــت الخيـــــر مالبدايا
وفيك ناس ديمــا عالبنـــات رميه
على كل وحده طايحيــــن هتايا
وفيك ناس طيبــك ناس فالحنيه
تمـــــوا دواء بيهـــم امداوى دايا

» قصيده الفنان بريوه العشيبي روعه ((الدمعه))